ស្ទឹងត្រែងៈ ឆ្នាំនេះអាជ្ញាធរខេត្តស្ទឹងត្រែងបានរៀបចំព្រឹត្តិការអបអរពិធីបុណ្យអុំទូក នៅតាមដងទន្លេសេកុង មានអ្នកចូលរួមនិងភ្ញៀវទេសចរដល់ទៅ៦ម៉ឺន៥ពាន់នាក់ បញ្ចប់ទៅដោយអធិកអធមសប្បាយរីករាយ កាលពីថ្ងៃទី២៧ខែតុលាឆ្នាំ២០២៤។
កម្មវិធីនោះនៅពេលថ្ងៃមានប្រណាំងទូក ង និងពេលយប់ប្រកួតកីឡាប្រដាល់, ការសម្តែងរបាំប្រពៃណី, តាំងពិព័ណ៍ផលិតផលរយះពេល២ថ្ងៃ។
លោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែងបានរាយការណ៍ថា ពិធីប្រណាំងទូក មានរយះពេល២ថ្ងៃបើធៀបជាមួយ ឆ្នាំ២០២៣ភ្ញៀវទេសចរ មានការកើនឡើងចំនួន៤០.៥៨៩នាក់ស្មើនិង១៦៦,២៧ភាគរយ។ ក្នុងនោះមានភ្ញៀវទេសចរជាតិ ទទួលបានចំនួន៦៤.៩៥៥នាក់ កើនឡើងចំនួន៤០.៥៦៩នាក់ស្មើនិង១៦៦,៣៦ភាគរយ។ ភ្ញៀវទេសចរអន្តរជាតិចំនួន៤៥នាក់កើនឡើងចំនួន២០នាក់ស្មើនិង៨០ភាគរយ។
ប្រភពដដែលបានបញ្ជាក់ថា ទីតាំងសំខាន់ៗ មានចំនួន២កន្លែងគឺទីតាំងពេលថ្ងៃមុខវេទិការប្រារព្ធពិធី, តាមបណ្តោយផ្លូវមាត់ទន្លេចាប់ពីវេទិការរហូតទៅដល់មុខវត្តកណ្តាលពេលយប់,នៅមុខវត្តព្រះអង្គធំ, តាមបណ្តោយផ្លូវរង្វង់មូល ព្រះភិរុណរហូតដល់ផ្ទះសំណាក់អប្សរា,បេនឡាននិងរង្វង់មូលព្រះភិរុណ។ ទីតាំងទី២.គោលដៅសំខាន់ៗនិងផ្ទះសំណាក់ក្នុងខេត្តស្ទឹងត្រែង៕
